ҚҰРМЕТТІ ӘРІПТЕСТЕР!

Сізді және Сіз арқылы ұжым қызметкерлерін Орал обаға қарсы күрес станциясы ұжымының атынан кәсіби мереке – медицина қызметкерлері күнімен шын жүректен құттықтаймын!

Денсаулық – адам үшін баға жетпес байлық екені белгілі. Бұл күн құрмет пен алғысқа бөленген, Гиппократ антын қабылдап, қай кезде болмасын әрдайым сенімділікті сақтайтын, асқан шеберліктің иесі ақ халатты абзал жандардың мерекесі.

Жас пен кәріге, жалпы адамзаттың бәріне көмек қолын созып, жанын қоярға жер таптырмай азаптаған ауруынан айықтырып, ақ халатты періштедей көз алдында көлбеңдей жүріп, жанына дауа, тәніне шипа болардай ем беріп, сөзінің тәттісімен, көзінің жақсысымен науқастың көңілін көтеріп, өмірге деген құлшынысын арттырып,ертелі-кеш ерінбей, ел үшін еңбек етіп, халықтың алғыс-сауабын арқалаған ақ халатты абзал жандарды барша ел мақтан етіп, құрметтейді.

Адам бойына өмірлік күш – қуат беріп, қоғамның басты байлығы саналатын адам өмірінің сақшысы бола білген ақ халатты абзал жандардың кәсіби мерекесі күні Сізге және ұжым қызметкерлеріне зор денсаулық, отбасыларына амандық, еңбектеріне толағай табыс тілей отырып, кәсіби біліктіліктеріңіздің арқасында биік асулардан көріне беріңіздер деген тілегімді білдіремін.

 Құрметпен, станция басшысы                                                   Т.Аязбаев