ҚҰРМЕТТІ ӘРІПТЕСТЕР!

Сізді және Сіз арқылы өзіңіздің басқаруыңыздағы ұжым қызметкерлерін Орал обаға қарсы күрес станциясы ұжымының атынан төл мерекеміз, Ұлыстың ұлы күні – Наурыз мейрамымен шын жүректен құттықтаймын!

Наурыз – жыл басы, Ұлыстың ұлы күні. Күн мен түннің, ыстық пен суықтың, қыс пен жаздың, қараңғы мен жарықтың теңелетін, жер арқасы кеңіп, күллі тіршілік әлемі қайта түлейтін Табиғаттың, адамдардың қыс қыспағынан, жұт апатынан аман қалып, малы төлдеп, аузы аққа жаритын Шаруаның, әрбір шаңыраққа шыраққа шырақ жағылып, «Қызыр түнін» күтіп, жақсылық құт-береке тілеп, ертеңгі күнге зор үмітпен қарайтын Сенімнің, жеті дәмнен Наурыз көже жасап, адамдардың бір-біріне дәм татқызып, дастарқан басында бірге отыратын Ынтымақ-бірліктің, жыл бойы өткен-кеткен ренішті кедергісіз кешіріп, ән-күймен, ойын-сауықпен жанды жадыратып, сананы серпілтетін Көңіл мерекесі.

Халқымыз жаңару мен жасампаздықтың бастауы, ырыc пен берекенің арқауы деп бағалаған Ұлық мейрамымыз – Наурыз мерекесі қарсаңында Сізге және ұжым қызметкерлеріне зор денсаулық, қажырлы еңбек, шаңырақ шаттығын, отбасы амандығын, ырыс пен ынтымақ тілеймін!

Ұлыстың ұлы күні құтты болсын!

Құрметпен,

станция басшысы                                                   Т.Аязбаев