ҚҰРМЕТТІ ӘРІПТЕСТЕР!

Сізді және Сіз арқылы ұжым қызметкерлерін Орал обаға қарсы күрес станциясы ұжымының атынан қастерлі мерекеміз – Қазақстан Республикасының Тәуелсіздік күнімен шын жүректен құттықтаймын!

Желтоқсанның екпінімен келген Тәуелсіздіктің біз үшін орны қашан да бөлек екендігі белгілі. Сондықтан да «толарсақтан саз кешкен» батыр бабаларымыздың төгілген қанының, ұлы мұраттар жолында құрбан болған асыл азаматтарымыздың асқақ армандарының, сәбиін білегімен, даласын жүрегімен тербеткен аналарымыздың аққан жасының, Жаратқаннан тілеген медетінің арқасында қол жеткізген Тәуелсіздікті біз әрқашан мақтан тұтып, қастерлейміз.

Ұлт көшбасшысы, Елбасымыз Нұрсұлтан Әбішұлы Назарбаевтың кемеңгер де жасампаз саясатының нәтижесінде Еуразия жүрегінде, өркениеттердің ұштасқан орталығында талай ұлт пен ұлыстың қызырлы мекеніне айналған ұлы Далада азат елдің азаматы атанғаннан асқан бақыт жоқ.

Тәуелсіздіктің тал бесігінде тербеліп, қыран құсы қалықтаған көк аспанымыздың астында баянды да бақытты ғұмыр кеше берейік.

Егемендігіміз мәңгілік, тұғырымыз биік болғай!

Құрметпен, станция басшысы

                                                  Т.Аязбаев